Somos unha organización non lucrativa, dende e para as persoas, de prestación de servizos no eido social que traballa especialmente a inclusión social de colectivos vulnerables a través dunha filosofía de traballo baseada nos conceptos de participación e empoderamento.
As persoas de Igaxes3 cremos na transparencia como un dos nosos valores estratéxicos, de maneira que poidamos actuar e explicar o noso labor en todos os ámbitos dunha forma responsable, clara e sinxela, abríndonos á crítica externa e demostrando os resultados do noso traballo.
Igaxes3 considera esencial o traballo en rede como xeito de superar o illamento. O Terceiro Sector debe ter como soportes de traballo a colaboración e a relación, sen perder a especialización. As sinerxías do traballo en rede potencian a nosa lexitimidade e transforman a entidade nun elo dunha cadea de moitas.
Santiago, 1 de setembro de 2010 – Igaxes3 é a entidade organizadora da terceira edición das xornadas para educadores da Federación de Entidades con Proxectos e Pisos Asistidos (FEPA), que se celebrará en Santiago de Compostela os días 28 e 29 de outubro. Profesionais e entidades interesados poden inscribirse ata o 20 de setembro. [...]
As persoas en situación ou risco de exclusión social terán a través deste programa, maiores posibilidades de acceso ao mundo do traballo como paso previo á súa integración social.
Un elemento esencial dentro do Programa Mentor son os Recursos de Apoio á Inserción, RAI.
